يقول لي حبي وسيم الرجاجيل    
          كم وحدة من هالنساء له تمنّا

راعي المروّة فارسٍ روّض الخيل    
          اللي لها صولات عرضٍ وفنّا

كفي ترى بالطيب تقطر هماليل    
          كلٍ على ليلاي بالجود غنّا

جدي تعدى بهامته نجمة سهيل    
          حنا اساس المدح والطيب حنّا

ذوقٍ ومعشوقٍ لجيلٍ ورا جيل    
          كم وحدةٍ تعدّ لشوفي وتحنّا

أحدٍ يقص واحدٍ ينفّش مجاديل    
          وأحدٍ تغطي قدها اللي تثنّا

ذوقتهن بحبي وهجري الويل    
          وصديت من جاني قصدني و تعنا

لكن لي بالراس جملة مواويل    
          من التي بالحضن تبي تهنّا؟!

ما ألومهم! جاوبت ذولا مهابيل    
          أبعد بعيد ! وروّح هناك عنّا!