|
مدري البشر هو طبعه اللي تغيًر
والا ان هذا هو زمان الكآبة
الكل بامر الخلً صاير محيًر
يطلب رضاه وضايعٍ في غيابه
كل ما اتامل هالزمن وأ تدبًر
آضيع بأوراقٍ وحبر وكتابة
مكتوفةٍ ايدي ومكاني مسوًر
والدرب شوكٍ والظلام امتلا به
أرتب اوراقي وفكري مبعثر
كلما نويت اني أسطر عتابه
والشاعر أما مبتلىً او تصوًر
يتْصوًر البلوى ويخلق عذابه
أغيب عن وعيي واقوم اتهوًر
أجري ورى طيفه و انادي سرابه
لعل برقٍ بالسما شع نور
اللي خَطَفْ عيني يبلْني سحابه
|
قم بتسجيل الدخول اولا للتمكن من التعليق على القصيدة