|
أهرب من عيونك وانا احْضن خيالك
تربكْني بْصوتك وانا اللي أناجيك
ناظر عيونٍ جاوبت لك سؤالك
بلحظة عيًا لساني يحاكيك
يزيد نبض القلب لا جا مجالك
واتوه في نغمات لاسمك وطاريك
يا كيف ما فكرت ما جا في بالك
تشوف قلبٍ ناهبه بين اياديك
الشوق في قلبي دعاك ودعا لك
جاوب حبيبي صوت حبي وداعيك
أشقيتني والقلب كله شقا لك
تزيد بطعوني وانا اللي أداويك
|
قم بتسجيل الدخول اولا للتمكن من التعليق على القصيدة