مانبي الا رحمتك يـا مجيـب السائليـن    
         رحمة(ن) من عنـد رب المـلا والاّ فـلا

نحمـد الله ونتوكـل عليـه ونستعـيـن    
         الاله الواحد اللـي علـى الكـون اعتـلا

يا فهد يا راعي الفعـل والعقـل الرزيـن    
         ما نبي غيرك مليك ولا نبـي فيـك بـدلا

حرب من عهد الصحابه وعهد التابعيـن    
         جارهم مـا كـد تـوذا ولا عنهـم جـلا

من تبايعنـا وحنـا بالعهـد متجوديـن    
         كل مـا تـزداد الاخطـار يـزداد الـولا

وان دعانا داعي الحرب حرب وحاضرين    
         وان دعانا داعـي السلـم للسلـم عمـلا

وان نصانا عاقـل القـوم يلقـا عاقليـن    
         وان بلانـا جاهـل القـوم يبـلا بجهـلا

ماتفرقنـا الليالـي ولا طـول السنـيـن    
         وكل قوم تقبل التفريق مـا فيهـا حـلا

المزيني لا نخانـا كلبونـا مـن مزيـن    
         والجميلي لانخانـا كلنـا صرنـا جمـلا

بيتنا وسط العـرب لا يسـار ولا يميـن    
         من جنوب الليث بالغرب لاطـراف العـلا

يا بو نايف يا هلا بك ووعد الحـر ديـن    
         يا هلا باسم النحيت وليتها تكفـي هـلا

تستحق المدح والتقدير يـا ذرب اليميـن    
         غالـي الله يجعلـك مـا تزيـد الا غـلا

كاتب معك زملا مـن الرجـال الطيبيـن    
         واتجهت لقمـة المجـد مـن دون زمـلا

ودنـا والله بتـاج ومقـص ونجمتـيـن    
         ما تقف عنك الرتب ما دام متنك ما امتلا

وانت منت لحرب بس مار اقول الله يعن    
         لكن اعمل قدر ما تقدر على دفـع البـلا

حسب توجيه الملوك الطيبين الطاهريـن    
         اعمل اللي يرتضونه على رووس المـلا

كان ابو نايف طموحه يقـود الناجحيـن    
         لو يسلونه بقولة كـان جـدك مـا سـلا

استقيت العلم هذا مـن اخويـاه الاوليـن    
         جبت قول اهل العقول وعفت قول المبتلا

قلت هو وش نجحه ؟؟ قيل بر الاقربيـن    
         قلت اجل ماهو ذكي وعبقري ؟ قالو بـلا