صباح الفل والأزهار والعنبر    
         يا أحلى صوت في سمعي وفي هالكون

بعد ما هزني غصب علي يأمر    
         ولو يأمر علي كلي أنا الممنون

ترى ليلة غيابك كنها أشهر    
         وكن الدهر قربك غمضة بجفون

وانا اللي حالتي بعدك ما تتصور    
         ضريرة لو ملكت أجمل هدب وعيون

واذا شفتك يا بدر في سماي نور    
         لصدرك ضمني وفي سرك المكنون

عسل صافي غرام أحلى من السكر    
         معاك العمر له نكهه وطعم ولون

أحس القلب من فرقاك يتفطر    
         ولكن كل شي في رضاك يهون

أنا لو لاي أخاف الله وأتصبر    
         غيابك حدني بعد العقل لجنون