علــى كيفــك حبيبي وخذها الدنيا بمزح وجد    
          على كيفك تمادى في عذابي لين تنهيني

أنا قد الحزن قد الشقا قد احتمال الصد    
          أنا وأن كان ما تدري يموت الورد بيديني

ولكن لي رجا واحد قل ما دمعتي تنهد    
          اليا منك نويت الجرح أمانة لا تحاكيني

ترى بعض الكلام أوجع حبيبي من كفوف الخد    
          على قلبي على روحي على احساسي على عيني

وأنا ماقلت هذا وأترجي منك عطف وود    
          أنا اقوله لجل تعرف ويش اللي تجهله فيني

وعلى كيفي أبصبر والصبر له في النهايه حد    
          ولا منه وصل حده تأكد ما أنت لاقيني

أضحي بالغلا ..... أبو جده إلى آخر جد    
          وأموت من العطش وأشرب دموعي لين ترويني