يا طيّب القلب حكّم قلبك الطيّب     
          أخّرت غيرك و بعّدته و قرّبتك

ليه تْباعد مع أنّك دايم قريّب ؟     
          من وين ما صد في عيوني تخيّلتك

ليه انت ناسي ؟ و ذكري عندك مغيّب     
          تنسى و أنا اذكرك و انا انسى اني تذكرتك

صارحتك بما يكن القلب يا حبيّب     
          و الظاهر أخطيت في ظنّي و صارحتك

لو باعزي الصبر دونك قال ما ثيّب     
          المشكلة يا طويل العمر مشكلتك

الصبر شيّب و شوق القلب ما شيّب     
          لا زال يلعب في قلبي كل ما شفتك

كم أحسن الظن فيك .. و ترجع تخيّب     
          كدّرت بالي و أنا ما يوم كدّرتك

اليوم حتى شعوري منك متريّب     
          هذا خفوقي يحذّرني و حذّرتك