الشيخ حمدان بن محمد بن راشد آل مكتوم " فزاع "

يـمـوت يـْمـوت لـي فـاتـِك و تحيا لك عروق جْداد    
          غـريـبـه كـيـف يـا مـحـمـّـد بـنـفس الروح تحيا لك

عـلـى الله مـا بـقـى إلا أخَـلّــــي الـعـقـربـي يـعـتـاد     
          عـلـى لـيـلـي لـعـلّ الـلـيـل لـو مـظـلـم بـيـصـفا لك

مـزون وْ بـَرْق سـحّـاب و مـطـرهـا في سما رعّاد    
          تـشـوف مـْزون تـمـطِـر لـك غـلـى لـكـن تـهـيّـا لك

عـلـوم الـوقـت تـاخِـذْ مـن عـلـوم الناس قل أو زاد     
          تـضـيّـعـك بْـهـواهـا ثـم تـضـحـك لـك و تـلتجـا لك

زمـانٍ مــَرّ فــي الـدنـيـا عـلـــى عـنـتـر ابـن شَـدّاد     
          يـا عـنـتـر مـا اعـتـرفـنـا بـك يـاْ لـيـن اثبَتَّ بأفعالك

يـا كـم واحـد عـلـى خـيـلـه يـزرّ شْـداد فـوق شـدْاد     
          يـزرّ ابـطـانـهـا و الـفـذّ يـضـحـك و الـضـلِـع هالـك

يـقـولـون أعـلـى مـا بـالـخـيـل تـركـبـهـا عناد عْناد    
          و أنا أقول أعلى ما في الخيل في بالي و علـى بالك

أراضـــي واسـعـه تـجـذبـْك و انـتـه مـالـك إلاّ بْلاد    
          بـلادٍ عـرْقـهـا عِـرْقـِك بالأحـــرى عـمـّك و خـالـــك

عَـرَفـْنـَا كـسـرة الـوادي ولـكـن لـو يـفـيـض الـواد    
          نـصـنّـع لــك مـسـايـيـلٍ تـركـنـاهــا وْ سـمـَحْـنـا لك

نـحـِن لامـن بـغـيـنـا الـشـيّ صـرْنـا لـلـسـناد سْناد     
          نـحِـن مَـدّك نـحِـن جَــزْرِك نـحن بَـحْرِك نحِن فالـك

نـحـن مـنـّا الـكـــرم مـنْـبَـع ويـاكـــم بـابـنــا ورّاد    
          نـحـن لـو جـيـتـنـــا ضـيـفٍ قـبــِل تـدخـل و قفنا لك

يـمـوت يـْمـوت لـي فـاتك و تحيا لك عروق جْداد     
          قـبـل تـنْـشِد عـن أحوالي أقولْ لـك إنـت وش حالـك