يقول ناصر علامك يناصـر صـار ناصـر واحـد ثانـي    
         اهيف بناصر دقيّق خناصر مـدرِ كيـف اهلـه يشوفونـه

قلت انت لا هنت ويش انت لو هو جاك يالعذال مـا جانـي    
         ما لمت من كان عشـره ثمـان وبـان للعـدوان مكنونـه

انا طواني هوى مـن لقانـي قبـل عـام وروع اخوانـي    
         بو مبسم احمر تلالا بروق الصيف ساعة شيـف بسنونـه

وثمان كالطشّ والرشّ بشّ هـشّ مـن لولـو ومرجانـي    
         ترياقها كاس اصهب علـى سفـرة ملـوك الليـل يثنونـه

وعين كما بيض هند وقدحـة زنـد سنـد عنـد غلمانـي    
         وسيف مسجّر ورمـح مشجّـر هجّـر وفجّـر ومسنونـه

والخـد جمـرة كريـم لهبهـا سامـر بأسنـاف ديوانـي    
         او لون ياقوت احمر على اسمر من بلاد الشـرق يجنونـه

والكف تابوت موت ولو انـه مـن حريـر ازرق وكتانـي    
         ما سر فرخ الحمامة منامـه حـدر فيـة غصـن زيتونـه

وجديل ذيل الاصيل الطويل اعقب شليـل الخيـل فسقانـي    
         اشقـر محجّّـل ثـلاث مبجّـل عنـد حـكـام يلـزونـه

ما دام عيني عليها رواق عـن حسـن غيـره وصيوانـي    
         حتّيش لو وقفوا فـي طريقـي تسعـة وتسعيـن مزيونـه

يا سهيل ماانته سهيل سهيل اسم الغضي ميـاس الاردانـي    
         ما انته بحوله لواسمك على اسمه هلك صـاروا يسمونـه

سهيل اسـم مـن لبيّـن تعيّـن للنفـل شعـب ووديانـي    
         في كل ربع وغب وخبت وجب وكل قاع اشهـب وتلقونـه

ليه العجب يوم ادور بروض ارض وطاهـا نبـت ريحانـي    
         لا بيّن سهيـل مـا يامنـون السيـل اهـل بـرّ يخيلونـه

غرو ليا بان نجمه تغيب نجـوم كـل البيـض مـن دانـي    
         له قونس الراس للكاس يوم الطاس لأهل الطـاس يدنونـه

غرو شكمني وحبه حكمني حكم بـن مقـرن وابـن ثانـي    
         عليه اكبّر واحبّر واعبّـر يـوم اشبّـر مضـرب طعونـه

ياحول حال لحـال استحـال ومـات مـا لفّـوه بأكفانـي    
         وعزي لمن شاف الاجواد في موتـه وهـو حـيّ يعزّونـه

ويلاه ما كن ربي خلق فـي الارض هـمّ الا علـى شانـي    
         اشـوف مـا هـمّ الا واذوقـه قبـل خلـق الله يذوقونـه

ولو باهقى من ورا جرتي للصوت مصلـوح قـد امدانـي    
         شقيت ثوبي وجريت لي صـوت قطيـن الشـام يوحونـه

يا طول بالي اجامل على جرحي وانا الموت الحمـر جانـي    
         حولي خوالي وكنـي لحالـي واثرهـا الاشـواق ملعونـه

يا شيب شيبي ويا طرّ جيبي ليـت لـي ريـش وجنحانـي    
         لأزور خلـي جهـار نهـار وتالـي الاعـمـار مدفـونـه

يا ويل ويلي ويا قطع حيلي ويـا خسـارة كـل مـا كانـي    
         ما باقي الا انـا والهـوى عميـا تمشـط شعـر مجنونـه

يا راس راسي على قوّ باسي ازرت تشيل ثيابـي امتانـي    
         وخوفي على الراس لا يجيه يوم تعتذر عن شيلـه متونـه

ويا خوف خوفي ويا صرم جوفي يوم شوفـي مـا تعدانـي    
         احط في وجـه الايـام الايـام والايـام بالايـام مقرونـه

ويا جرح قلبي على ما فعل بي حبي السلبي وش اعطانـي    
         ووش في يدي يا يدي والهوى يومي على قلبـي بحجّونـه

ويا ثلم سيفي هو الحب من كيفـي عقـب خفـه توطانـي    
         وانا ضنـا لابـة سيفهـم مـن دم عبـد وعـم يسقونـه

ويا جرح جرحي ه(جمعي وطرحي)ايجازي وشرحي وتبياني    
         عن ما نشا في حشا ثم مشـا بيـردّ مظنـون لمظنونـه؟

ويا شر شري انا وين اسرّي عظم ساقي صـوب جيرانـي    
         الدار من دار عنهـا سمـي النـار غـار تلعـب جنونـه

ويا لوم لومي من الزين لومي ويش قومي تقـل سكرانـي    
         للحب سكرة وللبعد سكرة والهوى مـا هـو علـى هونـه

ويا كبر همي ويا فجعة امي بيـن ابـوي وبيـن عمانـي    
         في ساحة البيـت لا حـيّ فيرجونـه ولا ميـت فينسونـه

ويا روح روحي ما احد يسمع ولا احد بيوحي صوتي الفاني    
         مثـل المـدوّه بنجـد وذوده مـن ورا نجـران يطرونـه

ويا ويح ويحي يبوج الوضيحي دون خلي تسـع الاوطانـي    
         من دونه العاوي الطاوي الضاوي وحوض الموت يردونـه

ويا وجد وجدي وش اللي بيجدي من عقب مدعوج الاعياني    
         يا كود ضربه بكف كـف وصـف دمعـه صـف بعيونـه

ويا عوب عوبي ويا شق ثوبي وين غض العـود خلانـي    
         غـرّ غريـر ضـريـر قـريـر لـيّـن بـيّـن كـونـه

ويا جور جوري على شوف نوري طاح من راسي حميداني    
         ويا خف خفي ويا بعد شفي كـن وسـط الصـدر بالونـه

ويا شق شقي عقب سرق حقـي وجلّـي ودقّـي تناسانـي    
         نسى نهار امـس يوم(...)اسفـل شفتـه وامـزّ غليونـه

في ذمتي لوّ مـن بينـي وبينـه زعـل عبـس وذبيانـي    
         امداه يرضـى انـا لا ذبحـت اهلـه ولا خالفـت قانونـه

ويا غبن غبني على صاحبي يجذبني ادنى خيـط سبهانـي    
         ويا غلّ غلّي وانا اشـوف خلـي دونـه الملّـي يعدونـه

فيا وين اشوفه واحوفه والوفه والنـوى دونـه تقصّانـي    
         تغيب دونه ديـار وتبيـن ديـار تلـو ديـار مـن دونـه

تسعين انسي وتسعيـن جنـي زدتهـم تسعيـن شيطانـي    
         وتسعين عفرا وتسعين صفـرا زدتهـن تسعيـن مدهونـه

راجن وماجن وساجـن وداجـن كـل فـج خالـي قانـي    
         وعن الغضي يوم جن ما خبر جابن ولا يـدرن وش لونـه

الصاحب اللي على غير عيني ما ظهـر زولـه ولا بانـي    
         اسمه كتمته عن اقرب هلي خل عـاد نـاس مالهـا مونـه

ومن غيرتي حالف ما يشوف الزين غيـري واحـد ثانـي    
         ولو هي على الكيف حتى ملايكـة المقابـر مـا يشوفونـه