تخوّفني مشاوير الطريق المظلم المهجور     
          وانا لا من ذكرتك قلت طولي يا مشاويري

عزاي انك رجاي العذْب لو كلَّ الدروب عْثور    
          وصلت او ما وصلت اعْرفك ما انته منتظر غيري

حبيبي وكّل الله لا تحسّبني بليد شعور    
          لو انت المستحيل الصْعب ما ابدي لك معاذيري

أحبَّك لو يموت الحب وتْصير القلوب قْبور    
          أشوف الجرح يكبر وانت تكبر وسْط تفكيري

أحبَّك من هنا حتّى طلوع الفجر حتّى النور    
          صحيح انك قِدْر محتوم بس اجمل مقاديري

أحد ربي يحطَّك له حبيب وما يجيه غرور    
          انا ليه التفت للنّاس وعْيونك جماهيري

هلابك من قِدَمْك لْغرَّتك لي شعرك المنثور    
          هلا في كل شيٍ فيك وانت اغلى مساييري

ترى صِدْق الغلا يجبر حطام الخاطر المكسور    
          وانا مهما منحتك من غلاي اشعر بتقصيري

ولو طالت مشاوير الطريق المظلم المهجور    
          انا لا من ذكَرْتك قلت طولي يا مشاويري