جت في يديها وردتيٍن حمْر     
          قبل الشفق والشمس محْمرّه

العنق نافر والسوالف خمْر    
          والموت بين العنق والغرّه

والريح تاخذ من شَعِرْها غمْر    
          تلعب معاه شْوَي وتثرّه

ذاك الثليل اللَّي جمرني جمْر    
          اللي بغيت آموت من حرّه

قلت انْوَرَت كل الدروب السمْر    
          والعيد جا يمشي على الجرّه

برْق السنين ومجهمات وقمْر    
          جيتي وخفّاقي نفَض شرّره

الليله ليله من ليالي العمْر    
          واحلى ليالي العمر بالمرّه

قالت غيابك وانتظارك جمْر    
          وابْطَتْ تعاتبني وتتشرّه

قلت ابشري والرمش يا مر أمْر    
          يا لو ل وجداني ويا درّه

واللي جمعنا يا انتظار العمر    
          ما ا عودها لفرقا ولا مرّه