تــركت نفسـي .. بعيــد هنــاك.. بعيونــك    
          وأبحـــرت مــن شـط عيـنك لا بعــد أعمــاقـك

وغمــرنـي الليــل يــوم أخفتـنـي جفـونـك    
          ومــركب غــرامي يهـيم ف بحــر أشـواقــك

فـي ليـل عيـنك حبـيبي ضعت فـي كونـك    
          وحبــك هـدانـي لوجهــة أرض خفــاقـــك

وسمــعـت قلـبـك يغـنـي أروع لحـونــك    
          لحــون يــردد صــداهــا قـلــب مشتــاقــك

ألــوان حـبـي تـزيــن لـوحـــة فـنـونـك    
          ويـرسمني الحــب وردة وســـط أوراقـــك

مشــاعري مــن رحيـق الحـب يسقـونـك    
          يـا شهـــد أدمنـــك قلبــي بعـــد مــا ذاقــــك

والله مــدري وشلــون أعـيش مـن دونــك    
          ومعنـى وجــودي يضيـــع بلحظـــة فراقــك

بعيــش نجمـة وحيـــدة فـي فضـــا كونـك    
          يضـــوي سنــاهـا روابــي ارض خفــاقــك

وبنــور نجمــة حيــاتـك تشــرق عيـونـك    
          مــن شــط عيــنـك لآخـر حــد بأعمـــاقـك

يالله حبيـــبـي علـيـــه غـمـض جفــونـك    
          تسلـم لبـنـــت تعـيــش بعــالـم أشــواقــك