يا شيخ عقبك كنّ مااحد هنَيَّا     
          وانا وربّ البيت كِنَّي لحالي

واللي رفع قدْرك مكان الثريَّا    
          انّك قبلْ غالي وهالحين غالي

بظْلال قصرك لو تغيب آتفيّا    
          يدوم عزَّك يا وريث اظلالي

يا امير يا نعم الطرا والطريّا    
          في الناس طيب وطيب ((متعب)) خيالي

متعب حفيد اللَّي على الحكم عيّا    
          ولْد الشجاع اللي يروم المعالي

قبل امدَحَك مادحْك ربي بليّا    
          دين وْوقار وهامةٍ ما تبالي

ما غير اطرّب خاطري هالسويّا    
          يا علّي استر ضيقةٍ وِسْط بالي