|
لا عـاد تنشـد مـا بـقـى عـنـدي عـلـوم
كــــل الـعـلــوم المـبـطـيـات تـخـبـرهـا
مـا جيتـك اشكـي ميلـة الوقـت مزحـوم
نفسـي ليـا ضـاق المـدى مـا اخسـرهـا
ياصاحبي كنت امس كنت امس محشوم
والـيــوم هـــج بجـيـتـك واخـتـصـرهـا
خـلـك بعـيـد ابـعـد مــن الـعــام لـلـيـوم
وادنــى مــن احــلام النـجـوم وقمـرهـا
بـعـض الـكـلام الـلـي تحلـيـه مـسـمـوم
ومـــا كـــل كـــف صافـحـتـك تـغـدرهـا
كـــم طـيــب سـاقـتـه الاقـــدر لـرخــوم
ويـا كثـر نـاس تنـخـدع فــي صـورهـا
والحـر مـا يـشـره عـلـى خنـعـة الـبـوم
الله رفــــع شــانــه ووطـــــا قــدرهـــا
لـو جيتنـي كنـك علـى الـوجـه ملـطـوم
بـعـض الخطـايـا عـذرهـا مــا غـفـرهـا
عنـدي تسـاوت هرجـة الـعـذر والـلـوم
هـذيـك مــا ابـغـاهـا وذيـــك احتـقـرهـا
زلـه وعــدت مــا حدتـنـي عــن الـنـوم
مــــرت ســــلام وبــعــد الله كــدرهـــا
انــا اعتبـرهـا كـبـوة حـصـان ويـقــوم
وانـــت اعتـبـرهـا زي مـــا تعـتـبـرهـا
|
قم بتسجيل الدخول اولا للتمكن من التعليق على القصيدة