|
عـلى كـثر الـكلام ، وكثر ماقبل الكلام جروح
سـكت ، ومـالقيت الـكلمتين الـي علي بالي
أخـاف إن قـلتها ، ماقلتها ، وان قلتها بوضوح
تـوسدني مـلامات الـرفيق وشـرهة الـغالي
كذوبه يالهوجس اللي على الخاطر تجي ، وتروح
بـغيت أزبـن ذراهـا ، واسـتريح وماتهيالي
ورحت أتلي شتاتي ، واترجي صوتي المبحوح
تـموج بـي الـدروب ومسندٍ كفي على ظلالي
عـسي مـانتي رجـايه يابروقٍ في سماي تلوح
يـشرهبني رعـدها والـضما بـالصدر همالي
نـقلت جـروح ماعرفها بقلبٍ مرهف مجروح
تـنطحت الـبياض ، وسـود الله وجـه عذالي
|
قم بتسجيل الدخول اولا للتمكن من التعليق على القصيدة