محريٍ بالخير يا مزن نشا     
          يا حلو عقب الوسم رجع السحاب

هلْ رذراذك على روض الحشا    
          ربّع بقلبٍ دوامٍ لك شباب

كل زهرٍ فاح عطره واغتشى    
          بالرياض وبالنفود وبالهضاب

ما نسيتك يا هوى قلبي حشا    
          حبك بروحي وبالخفاق ذاب

عادني شوقٍ قديمٍ وانتشى    
          في هواك مولع ما عنك غاب

لو غشاني بالمودّه ما غشى    
          أشتهي فيك الهوى لو هو عذاب

فيك من طبع الظبي ليمن مشى    
          ثم عاود والتفت ثم استراب

يا حلو فزّة جفا لك يا رشا    
          يوم تسبح بالصحاري في سراب

الهوى معطيك مني ماتشا    
          في حياتي يا حياتي لا تهاب

ما يفوز الحاسد الّلي بك وشى    
          فيك حسّاد الهوى يا كل تراب