جابك الله على غايـة المطلـوب    
          من مواطيك بالعشـب لأهدابـك

جيت يالمترف الناعم الرعبـوب    
          مرحبا فيك لأقبلت وأهـلا بـك

تنثنـي كنـك النايـف النبنـوب    
          وانثني وأنشد الصبح وش جابك ؟

تبتسـم للنسايـم تـذوب قلـوب    
          وابتسم وأهـدي الـورد عنّابـك

ضحكتك غيمة وبلهـا مسكـوب    
          ظللتـنـي نهـاريـن بغيـابـك

فيك من لفتة الشادن المرعـوب    
          كل ماهـزّك الشـوق وانتابـك

مرةٍ كنك الشمس وقت غـروب    
          ومـرةٍ كنـك الحلـم متشابـك

كل ماجيت أبي استلهمك وآتوب    
          ضعت بك ضيعة العطر بثيابك !