ألا يا الله تَسْنِدْ وقفتي لا تنهزع يا الله    
          ترى لو لا الرجا بك ما تَهَقْوينا با مانينا

ياربيّ تدري اني لا جزوع ولا قليّل جاه    
          مادام الجاه جاهك وانت تمنعنا وتعطينا

تشرَّفني نجومي فوق متني والقصيد اهواه    
          الى صار الوطن للشعر ساحات وميادينا

وانا اللي من نشاما يا النشاما طيبين جباه    
          الى جا وقتها جينا من اوّ لنا لتالينا

قصايدنا تداحم والسنافي تظهره يمناه    
          على وضح النقا من غير ما نجرح مبادينا

نبي نحظى بشوفة سيّدي جعل العمر يفداه    
          اجل لولا سموّه ما تعزوينا بامانينا

سلام الله على اللَّي من خلقه الله على مبداه    
          خلق فينا البطوله يوم صافحنا بايادينا

عريبٍ والله انك ما تشوف لْيا ارتكى حلياه    
          سوى (( نوَّ )) بَرَقْ في نجد والرعّاد في (( سينا ))

أبوه اللي ترك للشلْفْ بالمصمك بعض ذكراه    
          غرسها بالبدايه وانغرس حب الوطن فينا

ابو متعب ولا لك بالكلام لْيا كثر وانساه    
          ترى لو نذكر اسمه بس (( عبدالله )) يكفَّينا