عَزّ القصيد وزاعلتني حروفه    
          من يوم غاب الّلي قصيدي مهاويه

غابت به الدنيا وخلّت طيوفه    
          عزّي لمن مثلي زمانه يعاديه

عقب الملاقى بس بالقلب أشوفه    
          وعقب المناجى بس بالفكر اناجيه

كلامي وشوفي لغيره حسوفه    
          من غيره يخْاوي غريبي واخاويه

يا لوعة المشتاق تصفق كفوفه    
          لين التفت ما شاف بالدّار غاليه

كنّ العيون العيون بكل شينْ محْذوفه    
          والقلب كنّ جموع الايام ترميه

تسابقتني من زماني سيوفه    
          تجرح مْرادى في حياتي وترميه

يا عونة الرحمن وين النكوفه    
          لين انتحى الخفّاق وش عاد يثنيه

ما رحت أدوّر عند خلّي مروفه    
          ما يرحم الاّ الله فلاشك مغليه