 |
قالوا الأنثـى ضعيــفه ,قلت كل أنثـى قويـه
وعجزوا لا يفهمــوني وأنفتح بـــاب الجـــدال
قلت يا نــاس أفهموني وأسمـعوا منـي شويـه
مـا نطقـت إلا بحـق وكلـمـــةٍ لازم تـقـــال
والحقيـقة ما نطق فيها سـوى نفـوسٍ أبيــه
ما يغـط الحـــق فيهـا لا ولا فيهـــا مجـــال
أبــك أنا مع حر مـابي جيت أجـادل بـالرويـه
وألا أنــا قلبي تفطـر مــن يميـــن ومـن شمـــال
وإن سـألتوني بقــول : أنتم تولـوا هــالقضيـه
لا تلومــوني بقولي واسـألو قلــوب الرجـــال
وإن لقيــتوا قلب واحد ما بجــوفه نـار حيـه
من سببهــن ،قولوا إنـي مخطي بضـرب المثـال
والله إن أقـوى رجل لو يلمـح عيـون بدويـــه
غيــر يهوي في مكانه فــدوة لـذاك الجمــال
وإن تمـادى بـالنظـر قـالـت: تقبـل هالهديــه
نظـرةٍ منها , بعدهــا عزتـي لأبـن الحـــلال
نظــرةٍ لـو وجهتهــا يـم ضلعـان بطميــه
كـان قـال أهل طميـه كـان بـالديـــره جبــال
عيــنها اليمنى بها نــار وبالأخـرى جاذبيـه
ذي تجيـبك يم ذيــك وذيك فيهــا الأشتعــال
ويـل حالك يـا لرجل خل الفخـر والعنجهيــه
سحرهــن يسلب عقولٍ واصـله حـد الكمــال
سحرهن يذبــح ولكن: ذبحةٍ مــن دون ديـه
والشــروط: أنــك تموت ولا تطــالبهن بمـــال
وإن بغيـت الشــور مني قلت لك: خــذ هالوصيه
ولا تظـن أنك لحــالك كلنا بنفـس المئـــال
مــالك إلا ترسل ألحــانك بعـزف الهــاشميـه
وأنتــبه لازم تكــون ألحانــك ألحـانٍ طـــوال
أو تمــادى بالجهل مثــل الـذي روح ضحيـــه
وش جنـى مجنون ليــلى من هــواه إلا الهبــال
ذي خلاصـة ما جنيــته يوم أطــالع فـي يديـه
ضــاعت الحيــله ولا قــد فادنـي شـد الحبــال
جيــت أسولف للقصيــد إن كان بــاقي بـه حميـه
وأدري إنـه هــو بعد يرغـــب بخوتهــن منــال
وأفزعــي لي يــوم جيــتك يالحـروف الأبجديـه
وأكتبــي بآخــر سطر زبـدة كلامـي بأعتـــدال
إيــه كــل أنثـى قويـه .. ما عليه مـا عليـه
إيـه كل أنثى قويـه .. إيه لــو فيهـا جـــدال
|
 |
قم بتسجيل الدخول اولا للتمكن من التعليق على القصيدة