|
الله اكبر يا حمــام من صلاة العصر نـاح
وانشغـل قلبـي معــاه لا جــزاه الله بخيـر
الله اكبر يـوم ناض طـار ورفرف بالجنـاح
ودي اتبـع ساقة الراعبـي وازريت اطيـر
ودي اتبــع ســاقتـه بالمقيــل وبالمــــراح
شـوف عيني بيــن هـاك المباني يستديــر
واهنيــك بالمــسا يا حمــام وبالصـــباح
كل يــوم تشاهــد الترف ملهــوف الضميــر
يــا حمام الورق قــل للغضــي سيــد المـــلاح
عن ذهابــي قل لزيـن الوصايف يستخيـر
وصف خــده بــارق الوسم مـن منـــشاه لاح
يــوم شعشع زاد نـور البلـد عقب الاخيــر
والعيــون عيون خشــف(ن)تربــى بالبيـــاح
كل مــا هبت نسيـم الهبــايب يستذيــر
يـا مريح القلب قلب المولــع ما اتســتراح
تقـل يجــذب للهـوى في سلـوك من حريــر
اتضيــم واتهضـم وانــا مالي صـلاح
واتقلــب طول ليــلي مثـل وصف الكسيــر
يـا هلي لولا الهـوى كـان اطنب بالصيــاح
عقب فرقــا الترف مادري وش الدنيـا تصيـر
كن بعيونــه لراع الهـوى زرق الرمــاح
هو خطــر واللــي تولع معه قلبــه خطيــر
|
قم بتسجيل الدخول اولا للتمكن من التعليق على القصيدة