|
الا ياللــه بنــو الخيـر لاتجـــزا حمــــام نـــــــاح
يزيــد الهــم بأصــواتــه وروحاته وجياتــه
يذكرني زمـان قـد مضــى كلــه طــرب وأفــراح
زمـان العــام والا اليـوم لاوده ولا هاتـــه
والا والمزتــي للـي جـزت عينـه وسـده بـــاح
ولايبغى العرب يدورون باسراره وغاياتــه
ولا تقضــي هواجيسـه ولا يقعـــد ولا يرتـــــاح
تغير واشتغل فكره وهي ماهيب عاداتــه
على اللـي تل فلبي مـن عروقه في يديـه وراح
طلع درب مثل طلعة كرى صعبة ملفاتــه
توافـقنــا علـى بيـر طـويـل مثــل بيــر رمـــــاح
وانـا فيــه اتفـرج ليـن غلـق كل حاجاتــه
وانا عودت يم البيـر مثــــل اللي يويق وطـــــاح
تكســر به ثمـان ضلـوع وذراعـه وترقـاتـه
وربعـه مالقــوا حبــل طويــل ولابهــم سبــــاح
وهــو في قاعـة البيـر الطويل يجر وناتــه
لبو عين مثل عيـن الوحـش تذبـح بغيـر سـلاح
وخد وجيد فيها منوة العاشق ومشهاتـه
اهوجس فالنهار وفي ظلام الليـل أصيح صيـاح
ولا ينـلام مـن ذاق الغـرام وذاق لذاتـــــه
فلا شك البــلا من دونهـا كسابـة الأمـــداح
قضبها في يدينه واحـد قضب العمى لشاتــه
وغلـق دونها باب الحديــد وكســر المفتـــــاح
وانـا مقهــور من جـور الزمــان وحر لوعاتـه
جرحني صاحبي جرح عجــز بعلاجــه الجـراح
حسانيــه القديمة ماتكافـي ربـع سيـاتــه
هـاك الحيـن والاوادم مـا تشكك والقلوب اصحاح
وتـال الوقــت كـلٍ شــانت ظنونــه ونيـاتــه
|
قم بتسجيل الدخول اولا للتمكن من التعليق على القصيدة