من عطاه الحق

يتحكم بقلبي؟!

من عطاه الحق

يفضحني ويخبّي؟!

وليش أنا أسأل سؤال

أدري بردّه في يدّي؟!!

يا ترى حبه صلح حالي

والا توّهني ولعب بي؟!

ليش أنا أسأل سؤالٍ

عارفه ردّه؟

وهو إني عطيته حق

يتصرّف بقلبي..؟!!!

مسكنه عيني..

وصدى صوته:

حنيني

وكل سنيني..

وش عاد لو قلبي بيدينه..

ملكه .. حلاله..

أدري فيه..

يموت فيني!

وأدري إني كل هواه..

وأدري يشتاق لهواي

اللي في عيني..

وش عاد لو يملك هواي..

وش عاد لو ياخذ غلاي..

وش عاد لو يمسك بقلبي

ويتسيّد

على نبضه ودقاته..

على وعيه وغفلاته..

دامي أعرف.. يموت فيني..

أعطيه قلبي دون ما أحسب حساب

دون ما ألتفت

أي التفاته!