هي سذاجة قلب.. والا هـو حنيـن    
          هـو خضار الروح.. أوهي ممحلـه

مـن تذكرتـك عرفـت ان الكنيـن    
          يسكنـه عالـم وحضرتـك أولــه

سيـد الطـاري سحـاب ودمعتيـن    
          اخلفـن وقـع المطـر عـن منزلـه

جـابنـي مرسـاك واللهفـة سفيـن    
          جـابنـي أوراق صـفـرا مهمـلـه

جيـت اقـول ان السهر مالـه خديـن    
          كـود جفنـي والليـالـي تهمـلـه

كـود حزني والجفـا سجـن وسجيـن    
          لا رحـم شوقـه ولا عنـك دلــه

صـاحبك ينقـل على المتنيـن ...ديـن    
          سـالفة شعر.. وشقى عين.. وصلـه

مـا لقـى ادفـى مـن يدينـك يديـن    
          ولا لقى الصافـي معـه يا مُجملـه

ضـاقت الدنيـا ولا بـه مـن يعيـن    
          والصبـر يـا صاحبـك ما جّمـلـه

خذ حياتي .. لا .. اخذ صدر الونيـن    
          حتى تعـرف .. وشكثر مـا تجهلـه

وانـت تدري عـن لضى الجـرح الفطين    
          لا صحى ينقـض عليـك الاسئلـة

ويـن صـوتٍ لا تقاطـر همستيـن    
          تنبت بروحـي .. تمايـل .. سنبلـه

قـاطـعٍ شكـي غرامـك ..باليقيـن    
          انك اكبـر مـن ردي ينسـى هلـه

عود دروب النـوى سوت(حزيـن)    
          والجفـا وان طــال والله بهـذلـه

لا المكـان أثمن من حضـور الثميـن    
          ولا الرصيـف ابرد من ضلوع الولـه