هذا مكاني وانت هذا مكانك    
          والحيره اللي تجمع اثنين علّه

غلطة زماني وانت غلطة زمانك    
          مثلي تحمل ما تحملت شلّه

صبرك حبيبي جاير الوقت هانك    
          من لا تزهل لك تجنب وخله

من لا يهمه عزك و عز شانك    
          قله على وعد السلاطين قله

وان كان ظنك فيه كذبٍ وخانك    
          ما ضرنا في أول العمر زله

البعض اقرب لك من اول بنانك    
          كم من يمينٍ خانها الكف كله

من فوق نجم ونجمها لا طمانك    
          والى تليته قدرك اعلى محله

انت الملاك اللي صغى بك حنانك    
          وانت الذي بالعطف ياكبر غله