|
الله عطاك الزين واصبحت مغرور
تحسب بها الدنيا قليل مثالك
ما تدري ان الكون مليان بالحور
ما غرهم مظهر جنونك وحالك
والا انت يالمغرور ادمنت بالجور
تضحك على منهو بحبه صفالك
ظنيت نفسك كامل مابك قصور
وظنيت كل الخلق تعشق وصالك
والزين مايكمل بلا حب وشعور
لاشك ما تلقاه في يوم هالك
بس السموحه وان تعنيت مجبور
ترجي.. تذكرني بحب مضى لك
صبّرت نفسي وقت وايام وشهور
ومعاد لي قلب يطيق احتمالك
يكفيني اليل شفت مشكور مشكور
دور على غيري وابلقى بدالك
|
قم بتسجيل الدخول اولا للتمكن من التعليق على القصيدة