|
اقفيت عنك وداخلي قايد النار
والرجل ترجع بي وراي يم نورك
مانيب ادور لجل شوفتك الاعذار
وماني تحت امرك وعبده لشورك
بنت الحمايل ما تفشي بالاسرار
وتصبر على جور الهوى في بحورك
انا تغربت الليالي والاقدار
ساقت هوايلها علي قبل ازورك
وان كان قصد تسوقني يم الاخطار
فانا شربت المر من قبل طورك
صديت وبعيني من الدمع مدرار
هليتها لجل يتحقق سرورك
يانور نجد وشيخ ذا الحي والدار
وريح الزهر يسقيه فايض عطورك
يا تاج كل الحب والحب يحتار
في خلق مثلك كل حب يشورك
ارحل وبارحل وانس ما بيننا صار
ولا تقول مزعجني وترضي غرورك
انا عرفتك والسواليف تذكار
تبقى على مر السنين بشعورك
والقصه اللي اوقدت داخلي نار
باكر تموت وتنتهي في حضورك
|
قم بتسجيل الدخول اولا للتمكن من التعليق على القصيدة