|
الغلطة ماهي غلطتك بالعكس صدقني
المـره هذي أنا اللي كنت غلطـــــــــانه
غلطانه لني تركت ايديك تحــــــــــرقني
ورضيت أبقى تحت رحمتك منهــــــــانه
صدقت إنك علـــــــــى قولتك تعشقني
واني أنا اللي تبيـع العمــــــر من شانه
شملي وجمعته عشانك يا مفـــــرّقني
وعمري قضيته على لقياك حلمــــــــانه
جيت اتنفسءك وانته جــــــيت تخنقني
يـا قلب ضيّع مع الأيام عنـوانـــــــــــــــه
كم كان عندي أمل إنـــــــــــك تروّقنـي
وتمسح دموعٍ من الأحزان غــــــــــرقانه
كنت اتوقع قبل لاجيك تسـبقـــــــــــني
وألقى فقلبك بعد هالعمـــــــر لي خانه
حسبت لكن حسابي خــــان وارهقني
ولقيت نفسي في آخر شي خسـرانه
الغلطه ماهي غلطتك والله صـــــدقني
المره هذي أنا اللي جد غلطــــــــــــانه
|
قم بتسجيل الدخول اولا للتمكن من التعليق على القصيدة