|
تكفي يـمه لا تطيحيني قومي
قومي عشان الليل يلبس وقارة
تكفين قومي .. لا تزيدي همومي
اللي كوت قلبي بضيمك وناره
يافرحة سنيني . وصبحي ويومي
يامن حنينك .. ما يقاوم شعاره
طحتي وطاحت من مطيحك عزومي
والصدر طيح عن ضلوعي جداره
من كربتك ضاقت علي هدومي
والدمع حاصرني وشدد حصاره
لا الزاد طايب لي ولا لذ نومي
لين السهر خلف فوجهي امارة
ويالله ياللي لك صلاتي وصومي
ياخالق اانسان باحلى مهارة
تشفي التي عاشت مرار السمومي
وذاقت من الآلآم تاره .. وتاره
وانت الذي وحدك حنون ورحومي
ومن يرتجي غيرك يذوق الخسارة
وتكفين يمه لاتطيحين قومي
قومي عشان الكون يلبس وقاره
يافرحة سنيني وصبحي ويومي
ويالولوة تذكار .. وياقلب ساره
|
قم بتسجيل الدخول اولا للتمكن من التعليق على القصيدة