أيا جرح القلم وشلون من جراحي تجي تقتـات    
          أنا عاشق وفيني جنون وش اللي جاك من جنوني

أنا ميت على هالكون وصوتـي خالـط الونـات    
          وقالوها كثير الناس فـي يـومٍ جـو يعزونـي

أعنّي خطوتي لدروب ودربي من عنا الخطوات    
          تقبّل راحة أقدامي تقول أحـرث علـى متونـي

أبسأل يا قلم ليتك تشوف أيامي علـى اللحظـات    
          تشوف الدمع على خدي غزيرٍ من سما عيونـي

تحملت الشقا والظيم نطقـت أحروفهـا آهـات    
          وقريت الماضي والحاضر بعهـدٍ فيـه ينفونـي

ألا يا صاحبي هذي بقايـا مـن فتـات افتـات     
          ألا إسلـم وخبرنـي إذا تقـدر علـى طعونـي

وقال أصبر أنا ظامي أباخـذ بالحبـر رشفـات    
          وبنثر من عنـا أيامـي مـدادي لـو بتقرونـي

كتابي بيتي وقبري ودمعي لـو نـزف كلمـات     
          ودمعك ما بقا لا لا وأنا دمعـي علـى جفونـي

ويجيني كاتبٍ هاوي يسهرنـي وأبـد مـا بـات    
          بكفّـه قـام يخنقنـي سلاهـم لــو يبكـونـي

أنا دربي أعزيبـه بنفسـي لا مشـت صفحـات    
          وأعـزي راحـة أقدامـي إذا قالـوا بينسونـي

أنا ميت قبل أولـد وقلبـك عايـشٍ مـا مـات    
          وكل ما موت أنا دايـم بمددهـم جـو يحيونـي

طويت العالم وخطي طواني وما طوتني أوقـات    
          وهذا من قسـى أقـداري أناديهـم ولا يجونـي

ألا يا صاحبي منهـو تعـذب وانجـرح مـرات    
          ألا يا صاح أبي تسأل جراحـك لـو يعرفونـي