أببدي بصدرنـا نـونٍ وبختـم عجزنـا بالعيـن    
          وعلى هزج البحر بيتي بنيتـه والـوزن أربـاع

وأبيّن وش جرى فينا وش اللـي غيّـر الألفيـن    
          تغيّـر وقتنـا ولاّ وطينـا عـوسـج المـربـاع

يا ليت اللي حصل حلمٍ ضواغيثٍ تجي بيوميـن    
          تروح بيومنا الثالـث وقلبـي مـا غـدا ملتـاع

في ليله كنها البارح فـي ليلـه كنهـا ذا الحيـن    
          لقيت اللي لـه الخافـق أسيـره دايـمٍ منصـاع

لقيته داخـل الصـوره وحسنـه فاقهـا بالزّيـن    
          وكاتب خلفها كلمـة حبيبـي حبّنـا مـا ضـاع

ألا يا الله يا الدنيـا وش اللـي بـدّل الشطريـن     
          وش اللي غيّر المعنى وبـدّل عندهـا الأوضـاع

أكلّم راعي النظـره أكلّـم صاحبـة ذي العيـن     
          سكونك ذا بيذبحني وصمتك زاد لـي الأوجـاع

أحس إن الأصل صوره بلد إحساسهـا لحرفيـن    
          في كلمة حب أسمعها بزمـانٍ ماخـذ الأطبـاع

أنا لك يا الغضي وافي وطبعـي للوفـا تدريـن    
          من اللي غيّر أطباعـك رحلتـي وقلبكـم نجّـاع

أعيش بماضي الذكرى وكل اللي بقا لـي ويـن    
          حروفٍ خلفها رسمك وهجرٍ في خفوقـي شـاع

فتحته دفتر أيامي وعلـى سطـر الجفـا تدويـن    
          يقول بحفرةٍ دايم رجل مـن لا قـوى المطـلاع

وحفظت الصوره الخرسا تحت باب الهجر والبين    
          وصوّت قلبي بصدّه وعيوني صوّتـت بإجمـاع