قلت حظي جعل عمرك ما تقوم    
          عقب (قصة ريم) خلك مستريح

من عرفتك وأنت آخر من يقوم    
          لا تعـــز ولا تعين اللي يطيـح

يشهــد الله ما تبكيـــنا الهموم    
          المـــواجع بيتها القلب الجريح

والخساره عقبها فوز يدوم    
          في زمنا ما يصح الاّ الصحيح

السوالف كلها شرهه ولوم    
          والنواظر في رجا وجه سميح

لا بغاها يقلب الدنيا بيوم    
          لو تصير المسأله ذبح وذبيح

الرفاقه وقتها عند اللزوم    
          ينعرف فيها الكريم من الشحيح

يالله إنك تنصر المظلوم دوم    
          لا تذله وسط هالكون الفسيح