|
اكيد انك عرفت اني عليك اشتاق يافتان
وغرك حب مجنونك وجيت بقلبك القاسي
تناظرني بطرف عينك وكني اشهر العدوان
تحاسبني على الزله وكنك صرت متناسي
نسيت الحب في لحظه على بالك انا الغلطان
انا الغلطان لعيونك ولا تبعد عن احساسي
نعم حبك سكن قلبي ولكن مارضى بالحقران
انا لي حد ياعيوني وظلمك خانق انفاسي
ترى حبك سبب همي ومافيني سوى حرمان
تعال وخلك بجنبي وشد شوي من باسي
حبيبي مابقى فيني سوى هيكل على انسان
وصبري يابعد عمري تعدى كل مقياسي
|
قم بتسجيل الدخول اولا للتمكن من التعليق على القصيدة