|
تنشد عن احوالي ولا ادري وش الطاري
مدري تبي تجمع خفوقي بخلانه
او هي تبي تضحك على اسود اخباري
وتدري باحزاني وتصير فرحانه
مثل ماعرفتيني انا كاتم اسراري
اساير شديد الوقت كله بحرمانه
ارضى بمكتوبي ولا اسابق اقداري
عايش على قدي ولا احاسب انسانه
ياما ظلمتيني واطفيتي انواري
وياما خفوقك صك في الوجه بيبانه
كانك ذكرتيني تراني على اصراري
ما افكر بوصلك لو العين غرقانه
نفسي لها عندي كرامه ومقداري
ما اقدر اعيش بوقت به النفس منهانه
|
قم بتسجيل الدخول اولا للتمكن من التعليق على القصيدة