|
يـامطولك ليل وماطول البعـد للسـارين
ويـاوجد القلـوب النايحة لا تزعزعنـي
ذكرتـك اوانى مـانسيتك الى هالحيـن
او ان الرجـا في سكّتك اليـاس يتبعنـي
تمنـيت وصلك يـوم للوصـل شرع وديـن
وخليـتني لسيوف الاوهـام تقطعني
حسيـبك زمـانك كيـف ياغلي من الغالين
غـدا كل طـاري مـن طواريك يجزعنـي
تجـاوزت في ظلمـي وهلّّت دمـوع العين
وشـوف الدموع بسـاعة الغبن وش تعنـي
اسنّد علـى باب الرجـا قلبي المسكيـن
وانـاديك ماكنك مع النـاس تسمعنـي
نثـرت الجروح بغيـبة الشمس مـن ليلين
تقصـويتنى والمـوت بيديـه يجمعنـي
توفّـت بك الشيـمة وزولك مـع الحيين
عسى اللـي نقص مـن قدرك اليـوم يقنعنـي
قضـى الود وجـروح الليالي غدت بـي لين
فنـت كل عـرق من خفـاها ينازعنـي
علـى كثر زلاتـي وكثر القسـا والليـن
فـوالله مـاوجعتك كثر مانـت توجعنـي
خطـايك عشر ومنهجـك فالصحيـح اثنيـن
ومبـداك لا طعته ولا قلـت لك طعنـي
حسبـتك سمي المجد وسلالـة الوافيـن
وظنيـت بك حـرٍ عن الهـون يمنعنـي
لك ذمةٍ يرسـى بها الكذب والتخميـن
عسـى الله من عثرة نوايـاك يطلعنـي
كبـار العزاوي حوّلت فـالزمان الشيـن
ولو زايـدووا بيّـّاعة المدح وش يعنـي؟
تخيـب الهقاوي والليـالي تجـر سنين
ولابـد مـن دورات الايـام تقنعنـي
|
قم بتسجيل الدخول اولا للتمكن من التعليق على القصيدة