|
تحبك عيـون يا بعدها بغـت فرقاك
علشـان ما تفقد محبتك بوصـالك
صفا جـرح بعدك عند جرحـي وانـا وياك
اخف الف مـرة وانت مـا جا على بـالك
محـال اقبلك واقع وهـمٍ والمحال انسـاك
احدثك عـن حـالٍ ســواده بعض فــالك
يسـامحك ربي كيـف كرهتني لاماك
وهي غايـةٍ ما كتب لـي دربها سـالك
تعرف انـي اتعبـت الصبر مـدّ قبل القاك
علـى ما يبي قلـب حياته وهبهـا لك
يسـامحك ربي ثـانيه كيـف عز رضاك
تمـوت المعاني غيـظ ما غيرت حـالك
انـا ما اذكر انـي قلت مـا يحتمل شكواك
ولا اذكـر ذكرت امرٍ وهـو دون منـزالك
صدقـت وعطيـتك والله ومر واعطـاك
انـا لك من اللـي حدثك عن سـوا ذلك؟
نسـفت الخجل واللي علـى البـال كله جاك
لعلك تبـوح لموجعٍ بـاح واصغـى لك
يقـول ابتعد... ولسان حـاله يقـول اهواك
علشـان ما يفقـد محبتك بوصـالك
|
قم بتسجيل الدخول اولا للتمكن من التعليق على القصيدة