|
يالله ياللي كل مخلوق يرجيك
ياعالم حالي عزيز الجلالي
يامستجيب لدعوة اللي يناديك
افرج لمن كنه على حر صالي
قد قيل قبلي من هرج بك هرج فيك
وخلاك تكره واحد كان غالي
خلاك تكره واحد كان يغليك
لو كان من ربعك قريب اموالي
والجد مايرفع مقامك ويحييك
ليا صرت من كل المواجيب خالي
والخال ليا ضاعت سموتك يخليك
ماينفعك لو قلت ابو زيد خالي
وانا ولد منهو يحل الشرابيك
يذكر اليا عدت فعول الرجالي
ولاني عشير للرخوم الصعاليك
اربوعي اللي يلحقون التوالي
|
قم بتسجيل الدخول اولا للتمكن من التعليق على القصيدة