أن رحت مـاتفرق معي كيـف لوجيت     
          ماعادك برَبعي ولاعدت ناسـي

ومـاني بسائل ليــه عني تخليـت    
          كـل شيء تغيــّر مثـل لعبة كراسـي

أبطيــت ما تسـأل عليـنـا ورديــت    
          وش ردك الله لا يــرد الـمآسـي

ابشرك مـن الجـرح طبت وتعافيـت    
         والحين شـامخ كالجبال الرواسـي

دوّر على غيـري ترى اليـوم صدّيت    
         كـلٍ يدوّر صـاحبه بالمقاسـي

مليـت من كذبك أنا اليـوم مليت     
          والحيـن يعني لو تكرّمت..راسـي

راسـي مصدّع فـارق الحين ياليت    
          مـابيك في دربي سبب كل باسـي

والمشكلة أنك إذا رحت واقفيـت    
          أقوم أنادي : هيـه لحظه يا قاسـي