على كثرَ الكلام وكثْر ما قبل الكلام جْروح     
         سكتّ وما لقيت الكلمتين اللي على بالي

أخاف ان قلتها وان قلتها وان قلتها بوْضوح     
         توسَّدْني ملامات الرفيق وشرهة الغالي

كذوبه يا الهجوس اللّي على الخاطر تجي وتْروح     
         بغيت از بن ذراها واستريح وما تهيّا لي

ورحت اتلي شتاتي وآترجّا صوتي المبحوح     
         تموج ابي الدروب ومسندٍ كفي على ظلالي

عسى ما انتي رجايه يا بروقٍ في سماًي تلوح     
         يِشَرْهبْنيْ رعَدْها والظما بالصدر همّا لي

نقلت جْروح ما اعْرفها بقلبٍ مرهفٍ مجروح     
         تَنَطّحت البياض وسَوَذً الله وجه عذّالي

ولو طالت بي الحروه وبانت للملام شْبوح     
         نَهَض شوفي جناحه واستبان المرقب العالي

ولو خان الشفق مرَّه ومرّه طيره المذبوح     
         بقى وكره على جْباه النجوم المرقبه خالي

يسامحني رفيقٍِكل ما اخطى قلت له مسموح     
         على كبْر الهقاوي من رفيقي مرخي حبالي

ما هو بْـ ذنْب الكفوف اللَّي شذاها بالجميل يفوح     
         الى من صافحت بْعض الردى في بْعض الاحوالي

ما هو بـ ذنْب الوفا والنيَّه البيضا وطيب الروح     
         وانا ثوب الجماله ما لبسته جرْد واسمالي

على كثر الكلام وكثر غيضي ما نويت آبوح     
         عساها ما تعود الكلمتين اللي على بالي