عذب السجايا وعوده بأول الكنه    
         متى تزين السوالف واخذ علومه

واسامحه عن خطاة الجرح والونّه    
         واعاتبه لو يصد شوي والومه

واذكره باول المسفار حتى إنه    
         لا تذكر زمان اول نسى نومه

يوم إنه اقبل خدين الروح يوم انه    
         واقبلت اراعيه والقومه هي القومه

من يومها والحشا ماعاد له خنه    
         إلا لصوته وميعاده وملزومه

عفري هنف للضلوع وجالهن حنه    
         واستانست له فياض القلب ورجومه

لبا جبينه لا ارتج الغطا كنه    
         برق يصب الرفيف بكبد ديمومه

ما اقول شفته وشفت البيض يتلنه    
         اقول شفته وشفت الشمس منجومه

ما اقول كن الجديل الليل لا كنه    
         ليل خرعه الظلام وضيع نجومه

ياقبلة الله هكا لعنقود لا منه    
         قام يتهجا شذا عطره ويشمومه

فيه انتهى النور لا والله بدى منه    
         فجر نعس بالوريد ونام بهدومه

ورد تفرعن حماره قلت ابكنه    
         الى متى والحنايا منه مفطومه

فز وتطرق رطيبه قلت ماعنه    
         بالم شيحه وريحانه وقيصومه

صد وتلعثم هديله في برد سنه    
         ياقوم ذا النور يوم انكت ياقومه

الله عطانيه والله يعطي الجنه    
         واليا استجد الهوى كل ومقسومه