|
أمشي وهمّي جبل يمشي معي وين اروح
أزريت اشيل الجبل وازريـت لاافارقـه
كل الخطاوي تعبْ كـل الليالـي جـروح
أرضي هجير وسمايـه شمسهـا حارقـه
ماغير روح التحدّي في عروقـي تفـوح
قوّة صمودي على جور الزمـن خارقـه
هـذا وانـا عزّتـي دايـم قبالـي تلـوح
لين اصبحت فـي حياتـي ميـزةٍ فارقـه
أرفض شعور الندم وارفض طمان السفوح
لوكـان فيـه الحيـاة غصونهـا وارقـه
مادام فيني نِفَسْ يـذري وفينـي طمـوح
بـابٍ وراه اعتـزازي طارقه..طـارقـه
رغم امتداد التعب عيّـا يمـوت الطمـوح
والشمس بكره ورغم انف الدجى شارقـه
|
قم بتسجيل الدخول اولا للتمكن من التعليق على القصيدة