|
ياعيوني من حياتك اتصالي بقطعه
دام انك ما تبيني يا حبيبي ما ابيك
حتى صوتك لي عشقته بتركه وما بسمعه
غصب عني اليوم ببعد ما اجبر قليبي عليك
قول خبرني الصراحة بالظروف المقنعة
وليش تتغير عليه يوم اتقرب اليك
شاهد ٍ عالحب ربي والعيون المدمعة
وقلب ٍ اشتاق لحنانك يوم كان يموت فيك
كان حبك تاج عالي فوق راسي أرفعه
وكنت أفخر في غرامك يا حبيبي واهتويك
كل ايامي عطيتك وانت تلبس اقنعه
ويش اسوي بقلب ٍ اعمى يوم حطيته بايديك
هذي كلمة يا حبيبي والوداد آودعه
جاي يوم ٍ راح تذكر يا حبيبي من نسيك
هذه الدنيا تدور وهاليالي موجعة
والله بيسلط خليل ٍ تشتكيه ويشتكيك
وجاي يوم ٍ سيد سيدك بالدلال ادلعه
شوف واتريا عذابك والمقدر بيجيك
وهذا عهدي يا حبيبي قلبي لك ما ارجعه
لو يدور الوقت والله لاحشا ما ارتجيك
|
قم بتسجيل الدخول اولا للتمكن من التعليق على القصيدة