|
مــا حيــدني قصرت ويــاك في شي
عمــر العطـا عمــري .ولجلك عطيتــه
يــومك ظلال.. ومــا طرى يومي لفي
وليــلي توحــش مــا هنــا لي مبيـــته
عطشــان وانظــر لك من بعيــد لي مي
مثـل الســراب اللــي اختفــى يــوم جيته
قفــرا ديــاري وانــت بيــدينك الري
عمــري ذبــل.. ما يوم اذكــر سقيـته
كنت الفرح لك وانت .. كنت الحزن لي
وقلبــك معــي.. عني متى قــد خذيته؟
ويا كيف بسلى وانت لعيوني الضي
ابشـر.. عقب عينــاك شــوفي عميــته
والله ما انسى دامني في الهوى حي
راســخ ودادك فــي الحشا مــا محيــته
|
قم بتسجيل الدخول اولا للتمكن من التعليق على القصيدة