|
زند الرجوووله
تثيّـر بـي الجنـون وانتثرلـك شـوق ياجـدي
تشب بي المحاني واحتـرق كلـي علـى شانـك
على زند الرجولـه واقفـه ياشيـخ مـن قـدي؟
زهيت بميزةٍ ذلـت شموخـك لـي وعصيانـك
ابـا اصـوغ القصايـد لـك بـلاحـد ولاردي
وابا اسوق الركايب لك تهـز ركـاب وجدانـك
سيوفـك كلهـا( حكلـى) واناعيونـي لها حـدي
ورى ماتسنن سيوفك وتطلق صهـوة حصانـك ؟
ابتحـداك ياجـدي وابيـك الـيـوم متـحـدي !
على جمع الملا ف ظنك من اللي يكسب رهانك ؟
انـا غنـدورة ماللغـرور فداخـلـي حــدي
!
وعلى عرش العناد اطلـب تمرجحنـي بميزانـك
انا جامح ولا صخيـت لأطلـق فـارس سـدي
ولازعزع شعاع النفس يالمجنـون هجرانـك
انااسمي "الراسيه" ياللي على السـادات متعـدي
ولو طرفي دنا لمثلـك يحطـم شامـل اركانـك
انا اسمي الراسيه غصبا على من كان هو ضدي؟؟
وابي تعرف ترى ساسي يزعزع ساس جدرانـك
نثرت اغلى سيوف الموت تسجد لك على خـدي
ابي ترفع لي الهامـه واعلّـي ف المـلا شانـك
انـا ودي اسـوق الهجـن لعيونـك ومـا ودي
اخاف ضعونهم تشغـل عـن الشعّـار شيطانـك
انا من جدي احيا بك واحيـا فيـك مـن جـدي
واموت ان ولعـت ذروة جنانـي ذروة جنانـك
ابا اسرّح جنون العشـق اشـد خطامهـا شـدّي
واشب اقصا ضلوعي لك وابحرقهم على شانـك
|
قم بتسجيل الدخول اولا للتمكن من التعليق على القصيدة