|
رحت ادور في وجيه عداي للخوه صديـق
لين ضاقت بي يمينـي .. ومليـت تعبـي
أحسبنـي لاتعزويـت بلقـالـي رفـيـق
لارفيـق .. ولاعـدوٍ.. ولاحتـى صبـي
آه ياثقـل الخطـاوي علـى ذاك الطريـق
طحت من طولي على الدرب الأمحق بركبي
للزمـن مبـدا ومبـداي مـا أظنـه يفيـق
لعنبو مبدأ الصراحـه احـس انـه غبـي
البحر تحت السفينـه وهـي شبـة حريـق
والسمـا تمطـر وذا الغيـم مافـاد لهبـي
والحيـاة وفلسفتهـا وفزعـات الفـريـق
علموني كيف الأجناب تطمـع فـي عنبـي
(يامضاوي يامضاوي) يازفـرات الشهيـق
ماحـدن غيـرك اليـا راح يبكيـه هدبـي
من خلق وجه الليالي وانـا مالـي شقيـق
غيـر حزنـن لالفانـي تلقانـي يحـبـي
قمـت البـي لالمحتـه واذا اقفـا اضيـق
ضيقة اللي شايف الضيم في وجه أعربّـي
ولالفانـي فـز قلبـي مثـل فـزة عشيـق
جا يرحب بي وانا اموووت لاقال ارحبـي
ارحبي يالعنبـو المـوت فعيـون الغريـق
يهبي شعـرن يخذلـك وانـا حـي يهبـي
الشعـر لوهـو مقيـد بفكـه لـك طليـق
والرسـن بيديـك وانتـي تمنـي واطلبـي
اقسمـي باللـي خلقنـي وبالبيـت العتيـق
والا فريها على ( مصـر) وحيـاة النبـي
انـي بحضـرة جنابـك اذا جيتـي اليـق
والا فضيها.. وقولي قطيعـه وش تبـي؟؟
وأهجريني يضرب الحب والجرح العميـق
هجرة اللي ماوفـا لـي ولا طـال شنبـي
احسبنـي لا تعزويـت بلقـالـي رفـيـق
لارفيـق.. ولاعـدو ..ولاحتـى صـبـي
من عرفت الدمع الأسود وانا حزني صديق
لعنبو حزنن اليـا طحـت ماوقـا ركبـي
|
قم بتسجيل الدخول اولا للتمكن من التعليق على القصيدة