مليت وأنـا أنتظـر ودي ومـاودّي    
          مليت من كثر ما أحدك على الجيّـه

يافاهيا والهجر ماهوب مـن جـدّّي    
          تو الهجـر تـو مابانـت مواريّـه

يوم أمطر الحب قلبك واقفٍ ضـدّي     
          زعزع نفوذ الغلا وأشعـل محانيّـه

راح الغلا لعنبو جدك علـى جـدي    
         يالعنبو الحب واللي يجيـب طاريّـه

حدّّن عليك الزمان وحدّنـي حـدّي     
          الين ضاقت وسيعـات الخـلا فيّـه

بتعود الأيام كان الضيـف ماشـدّي    
          وبذكّرك طال عمرك كان أنا حيّه!!

يوم أطلق الريح قلبي جيت متعـدّي     
          تصدع بوجه الشمال وتدفـن الميّـه

أرتـد ذودك وذودي عنّـك أرتـدّي    
          وأقفت تدرهم مجاهيمك على الفيّـه

ياااامخبلك كيف عقب الصد متحدّي    
          خسااااارتك راجحه مليوووون بالميّه

أربق جنون الكبر تمسي على ردّي    
          خل الليالـي تغنـي جنونهـا ليّـه

قد لي سنه والوجع ثوبه على قـدّي    
          بشق جيب الوجع وأصبر على الكيّه

ياكود طفل الوفا يستر علـى سـدّي    
          وأقول ولـى زمانـك لعنبـو بيّـه