|
خاين وأحبك على كثر الجفـى وأهـواك
تِملح جروحـي بغـدْر العاشـق لبيتـه
اصيح لك : خذ بقايا ضحكتي بخطـاك
وأمسح دموعي بسوالف طيـف حبيتـه
امس انتظرتك سحايب شوق قلت اقـراك
عشقٍ طفولي .. بعشب الـروح غطيتـه
لا .. ما هقيتك سرابٍ تمسحك رؤيـاك
لـو كـان بيـدي ألـم الـلال لميـتـه
افرش لك الهِدب ورد وتنتفض اشـواك
اعطيتني بعض صبـح ورحـت منيتـه
يا خاين العشب مـا تنفـع بقايـا مـاك
قطعـت كـفٍ لـك بتحنـان مديـتـه
ما كنت أظنك تغير يـا نهـر مجـراك
وانـا الـذي بقلبـك المجـداف قطيتـه
كنت أحسب الحب مُهْر مشرقة مرعـاك
واثريك خدعة غـروب وبسمـةٍ ميتـه
كنت أحسب انك تشيل الحمل جيت انخاك
لكنـك اقفيـت والهـجـران خاويـتـه
خلّيتني حـزن عصفـورٍ علـى شبـاك
يبغاك ترحـم ضياعـه رحـت ذكيتـه
|
قم بتسجيل الدخول اولا للتمكن من التعليق على القصيدة