|
الى متى وانا تغاضى وادرايك
وشلون اداري وانت منته تداري
وصلتك القمه وحققت امانيك
وياماوياماقدسريت الغداري
ابغيك تنهج منهج الطيب وابغيك
من طيب راسك فيك ربعك تماري
لكن خساره ماش شي نفع فيك
يابوثلاثين الف طاري وطاري
والله مدري كيف اجيبك واوديك
وجهك من علوم الرياجيل عاري
سمحت لك هذي وهذي وهذيك
واحاول ابعدعن مسارك مساري
لكنك معزم ومعلن تحديك
وانا على ردالرياجيل ضاري
تبي تباريني وانالواباريك
هجمات مرتده ولعب انتحاري
وقول على الطايروقول دبل كيك
في زواية تسعين ولاكباري
ماينفعك خطة مدرب وتكتيك
فرصه واناملزوم ارداعتباري
والله لاسحب فيك واروح واجيك
حتى تتوب ولاتجينا تباري
على العموم اسمع كلامي وانااخيك
الوقت ماله وجه يابومشاري
حافظ على سلمك وراجع مباديك
واهرج بصدق ان كنت بايع وشاري
واشترصداقة من يعزك ويغليك
صحبه ولاهي لجل سوني واتاري
ولاهي لجل فكسارفل وتماتيك
لجل التمشي كل ضهر وعصاري
الرفقه اللي ماذراهايذريك
كنك لحالك مع هبوب الذواري
خلك مع اللي لاوقف يعتزي فيك
خله رصيدك كنه حساب جاري
وختامها متى تعدل مماشيك
وتصيرمثل الناس كاتب وقاري
|
قم بتسجيل الدخول اولا للتمكن من التعليق على القصيدة