رسمت في نور الغلا بيت شعري    
          وعزفت بأوتاره من اللحن مقطوعة

ونثرت لك في صفحته شوق عطري    
          لمعانقك عطر الغلا جا لك بطوعه

وفتحت لطيوفك بساتين صدري    
          تورد على جمه وتنهل من ضلوعه

وغازلت أحاسيسك بلوحات فكري     
          نقش الخيال وحبك اليوم موضوعه

وسال القصيد من سما الفكر يجري    
          يروي غلاتك والشعر يعلن اخضوعه

اكتم شعوري وصوت الاحساس جهري    
          صوت الشعر يكشف مدى حبك ونوعه

يشفع لي الغلا والأشواق عذري    
          عاشق متيم دون الشعر موسوعة

أغار لو حبك أحد بس كثري    
          أموت بالحسرات وأموت باللوعة

أتجاوز حدود الغلا فيك تدري    
          حبك ملا صدري وتشهد به اضلوعه