عامي الجديد اللّي بدَا عام مخدوش     
          عامٍ نويت اعلِن بَه اليُوم هَجري

ماهوب \"ميلادي\" , تَرى عام مغشوش     
          وْلاهوب \"شمسي\" لا وَلاهوب \"هِجري\"

الهَمّ فـِ اْستقْبالَه اليوم مفروش     
          وْيعزف دُمُوعي من بدايات فَجري

بالضّيق والاحزان والغدْر , منقوش     
          والخوف بِايّامَه كما الرّيح يجري

والفَرْح واقف ماتعَدّاه , مدهوش !    
          ماشاف منّي غير نَهيي وزَجري !

الفَرْح مدري وين ياناس مخشُوش    
          ماعاد باقي غير دمعات تَجري

مافيه داعي للفرح ,. حزني جيوش     
          نامِت بِراس العام في وسْط حجري

سوّت من المُوت بْحَشا قلبي نْقُوش     
          أحسَن عزاي وعظّم الله أجري !